Коронавируска каршы штабдын 19-августка карата берген маалыматына ылайык, Кыргызстанда 249 адам вирус жуктуруп алганы лабораториялык жактан тастыкталды. Акыркы суткада 498 киши илдеттен айыгып чыкты, 6 адам оорудан көз жумду.
Жаңы катталгандардын ичинен:
- Бишкек - 84;
- Ош шаары - 3;
- Чүй облусу – 77;
- Ош облусу – 3;
- Талас облусу - 13;
- Нарын облусу - 12;
- Ысык-Көл облусу – 26;
- Жалал-Абад облусу – 15;
- Баткен облусу - 16 адам катталды.
Ушуну менен былтыр март айынан бери коронавируска чалдыккандардын жалпы саны 173 186 адам болду. Оорудан 164 842 киши сакайды. Илдеттен көз жумгандардын жалпы саны 2468 адам.
2019-жылдын аягында Кытайдын Ухань шаарында катталган коронавирус илдети кыска аралыкта бүт дүйнөнү каптады. Дүйнөлүк саламаттык сактоо уюмунун 18-августка карата берген маалыматына ылайык, бул илдетке 210 миллиондон ашуун адам чалдыгып, 188 миллиондон ашууну сакайды. Жалпы дүйнө жүзүндө коронавирустан көз жумгандардын саны 4,5 млн. адамга чукулдады.(ZKo)