18-августта талибдер Ооганстандын Жалалабад шаарында ооган желегин көтөрүп, акцияга чыккан адамдарды күч менен таратканы белгилүү болду. Интернетке тараган видеолордон чогулгандарга ок атылганын көрүүгө болот. Reuters агенттиги демонстранттар тууну шаардагы аянтка орнотууга аракет кылган учурда талибдер ок чыгарып, үч адам каза болгонун жазды.
Башка маалымат каражаттары Жалалабаддагы демонстрация учурундагы жабыркагандардын саны боюнча карама-каршы маалыматтарды таратууда.
Ошондой эле, бул күнү Кабул аэропортунда Ооганстандан кетүүнү каалагандарга курал колдонулганы кабарланды.
Reuters агенттиги тараткан видеодон аэропортко кирүүнү каалаган кишилерди талибдер күч менен тосуп, мылтыктын атылган үнүн угууга болот. НАТОнун Коопсуздук күчтөрүнүн өкүлү агенттикке 18-августта аба майдандын дарбазасында 18 адам жаракат алганын айтып берген.
"Талибан" кыймылы Ооганстандын баш калаасы Кабулга 15-августта кирип, өлкөдөгү 20 жылга созулган жарандык согуш аягына чыкканын жарыялаган. Мамлекет башчы Ашраф Гани Ооганстандан чыгып кеткен. Азыр анын кайда экени белгисиз.
Дагы караңыз
Ооган жарандары Бишкекте пикетке чыктыТажикстандагы ооган элчиси легитимдүү президент катары Салихти атадыМэрлик кызматка Бишкек менен Ошто бирден, Токмокто эки талапкер катталдыКазакстандагы жуттун азабыӨмүрбек Текебаев абактагы Темир Сариев боюнча билдирүү жасады