"Түндүк электр" жана "Ош электр" ишканаларынын маалымдашынча, 9-августта Бишкек шаарынын, Чүй облусунун айрым аймактарында электр энергиясын берүү чектелет. Борбор калаанын түштүк-чыгыш аймактарында түшкө чейин, борбордук жана түштүк-батыш райондорунда түштөн кийин электр энергиясы өчүрүлөт.
Ал эми Чүй, Талас облустарынын айрым аймактарында, Оштун Кара-Суу, Өзгөн жана Кара-Кулжа райондорунун айрым айылдарында күндүз саат 9:00-17:00 аралыгында электр энергиясын берүү чектелет.
Маалыматка ылайык, электр энергиясын берүүнү чектөө кышкы жылуулук сезонуна карата даярдык көрүлүп жатканына байланыштуу. Оңдоп-түзөө иштерине байланыштуу октябрга чейин жарык өчүрүлүп турары мурда эскертилген.
Кыргызстан жылына орто эсеп менен 14-15 млрд. кВт/саат электр энергиясын өндүрөт. Өлкө өзүн электр жарыгы менен камсыздай албай калган жылдары Казакстан менен Өзбекстандан сатып алат. 2021-жылы электр энергиясынын таңкыстыгы 3 млрд. кВт саат деп эсептелип, кошуна өлкөлөрдөн алына баштаган.
Бийлик электр энергиясынын баасын көтөрүүнү демилге кылып, кайра токтоткон. Кыргызстандын калкын жарык менен төрт ишкана тейлейт:
"Түндүкэлектр" - Чүй, Талас облустары жана Бишкек шаары;
"Чыгышэлекто» - Ысык-Көл жана Нарын облустары;
"Ошэлектр" - Ош, Баткен облустары жана Ош шаары;
"Жалалабатэлектр" - Жалал-Абад облусу.(ZKo)
Дагы караңыз
Токиодо Олимпиада оюндары аяктадыГрек аралындагы өрттөн жергиликтүү тургундар көчүүгө мажбур болдуВенгрия: ЛГБТ тууралуу талаштуу мыйзам бир айда күчүнө кирет#Мен_Ферузамын. Өзбекстанда журналистти колдогон акция башталдыАкаев Кумтөр боюнча катасын моюнга аларын айтып, элден кечирим сурадыОлимпиада: өзбекстандык мушкер Баходир Жалолов алтын медалга ээ болду Талибдер Кундуз провинциясынын көпчүлүк бөлүгүн ээлегени кабарландыМасадыков vs Ташиев: маектен чыккан талкуу