Токойлорду өрт каптап жаткан Түркиядагы Манавгат облусунун Гүндогмуш районунун жашоочулары толугу менен көчүрүлөт. Бул тууралуу өлкөнүн айыл жана токой чарба министри Бекир Пакдемирли 2-августта билдирди.
Бир жумадан бери Түркиянын алты провинциясындагы токойлорду каптаган өрт кеминде сегиз кишинин өмүрүн алды. 28-июлда Түркиянын Манавгат облусунда токойдо чыккан өрт өлкөнүн туристтик аймактары Мармарис жана Бодрумдагы калктуу конуштарга чейин жетти. Ар кандай тобокелчиликтин алдын-алуу максатында мейманканалардагы жана айрым айылдагы тургундар башка жактарга убактылуу көчүрүлүп жатат.
Түркиялык өрт өчүргүчтөргө учурда Орусия, Украина, Азербайжан, Ирандан барган атайын топтор жардам берип жатышат. Учурда өлкөнүн Анталия, Мугла, Ыспарта жана Денизли аймактарында өрт токтобой жатканы кабарланууда.
Түркиянын тарыхында эң чоң өрт дал ушул Манавгат аймагында 2008-жылы июлда катталган. Токойдо чыккан өрт бир жумада араң өчүрүлүп, 16 миң гектардан ашуун жер күйүп кеткен. Акыркы он жылда Түркияда 30 миңге жакын токой өрттөнүп, жалпысынан 100 миң гектарга жакын аянт күлгө айланган.
Сиздин браузер HTML5 ыкмасын колдобой жатат.
Түркия: Анталиянын аймагын өрт чалды
Дагы караңыз
Токио-2020: Акжол жараткан үмүтТалгарбеков: Акаев УКМКнын сунушунан улам өзү келдиБеларус спортчусу Тимановская Польшадан башпаанек сурады Президент Жапаровдун эс алуусу коомчулукта талкуу жараттыАкжол - Олимпиаданын финалына чыккан экинчи спортчу