Мамлекеттик бажы кызматынын төрагасынын орун басары Кыялбек Мукашев Кыргызстан менен Кытайдын чек ара бекеттеринен күнүгө 30-35 гана автоунаа өткөрүлүп жатканын билдирди.
Бул тууралуу ал 12-июлда Жогорку Кеңештин Бюджет жана финансы боюнча комитетинин жыйынында депутаттардын суроолоруна жооп берип жатып айтып, себебин мындайча түшүндүрдү:
“Кытай менен сүйлөшүүдө алар Кыргызстанда калктын 70% эмделиши (ред: коронавируска каршы) керек деген маселени коюп атышат”.
Кыргызстан менен Кытайдын чек арасында негизги кыймыл “Торугарт” жана “Эркечтам” өткөрмө бекеттеринде болот.
11-июлда Кыргызстанга Кытайдан 1,2 миллион доза Sinopharm вакцинасы келди. Министрлер кабинетинин төрагасы Улукбек Марипов июль айынын аягына чейин дагы 1,2 миллион доза Кытайдан вакцина келерин кабарлады.
29-мартта башталган коронавируска каршы эмдөөдөн өлкө боюнча 130 миңге чукул киши өттү. (BTo)
Дагы караңыз
ЖАМК: Чыңгыз Жумагулов абактан чыктыӨлкөнүн төрт шаарында эмдөө пункттары күнү-түнү иштейтМасадыков Коопсуздук кеңешинин төрагасынын орун басары болдуCOVID-9: президент калкты эмдөөнү тездетүүнү тапшырдыЭкинчи аял алып, той берген кишиге козголгон кылмыш иши кыскарды