Иликтөөчү журналист Али Токтакунов 23-июнда Ички иштер министрлигине суракка кирип чыкты. Ал 2020-жылда бийлик алмашуу менен аяктаган октябрь окуяларына байланыштуу күбө катары чакырылган.
Суракка кирип чыкканын Токтакунов "Фейсбукка" жазып, Октябрь окуяларына так юридикалык баа берилиши керектигин билдирди:
"Калыстык болушу үчүн ошол күндөрү аянтта жүргөн баары: Садыр Жапаров, Камчыбек Ташиев, Алмазбек Атамбаев, Өмүрбек Бабанов ж.б. суралышы керектигин айттым".
Прагада иштеген Токтакунов Кыргызстанга былтыр 7-октябрда келген. 4-октябрдагы парламенттик шайлоодон кийин Бишкекте өткөн акцияларда чыгып сүйлөгөн. Ал окуяларда ошол кезде камакта жаткан Садыр Жапаров бошотулуп, бийлик башына келген. Улуттук коопсуздук мамлекеттик комитетинин башчысы Камчыбек Ташиев да бул окуяларга активдүү катышкан.
Октябрь окуялары боюнча Жогорку Кеңештин депутаты Рыскелди Момбеков менен "Реформа" партиясынын лидери Клара Сооронкулова дагы суракка чакырылды.
Милиция октябрь окуяларынан улам оппозициялык саясатчы Жеңиш Молдокматовду камаган. Ага алгач "УКМКнын имаратын басып алууга аракет кылган" деген айып коюлган. Кийин мындай берене өзгөрүп, Октябрь окуяларында "калайман башаламандык уюштурган" деген кине тагылган. (SE)
Дагы караңыз
Өлкө боюнча 1,2 миллиондон ашык киши эмделдиНарын: Уланбек Эгизбаев атындагы стипендияны жалаң кыздар алды Дзюдочу Владимир Золоев Олимп оюндарына жолдомо алдыСадыр Жапаров ишкерлердин убарасын көбөйткөн чиновниктерди сындадыДүйшөнбек Чоткараев саламаттыгына байланыштуу үй камагына чыктыЖапаров УКМКга караштуу кызматты жоётСайдулла Нышанов "Ата Мекен" фракциясынын лидерлигинен алынды