Бүгүн, 17-июнда, Жогорку Кеңеш Министрлер кабинетинин кризиске каршы программасын жана дыйкандарды сугат суу менен камсыз кылууда жаралган көйгөй боюнча маалыматын укту.
Жыйынга Министрлер кабинетинин төрагасы Улукбек Марипов катышып, учурда сугат суудан тышкары азык-түлүк коопсуздугу, кышка даярдык, электр энергиясынын тарифтери боюнча талкуулана турган маселелер бар экенин айтты. Сугат суу боюнча абал оор экенин, көйгөйдү чечүү багытында иш жасалганына карабастан, маселе бар экенине токтолду.
Түшкө чейин парламент жыйынына Марипов келген эмес. Өлкөдөгү акыркы маселелерди талкуулаган депутаттар ага ишеним көрсөтпөө демилгесин көтөрүшкөн. Алар сугат суу тартыш болуп, дыйкандардын чарбасы күйүп жатканын, азык-түлүктүн баасы күн сайын өсүп баратканын айтып, суроолорго өкмөт башчынын өзү жооп беришин талап кылышкан. Эгерде ишти жөндөй албаса аны кызматтан кетирүү сунушу да айтылган.
Сессия соңунда депутаттар кандайдыр бир жыйынтыктоочу документ кабыл алышкан жок. Сын-пикирлерди эске алууга чакырышып, Мариповго ийгилик каалашты. Ал эске алууга аракет кылам деп жооп кайтарды.
Дагы караңыз
Бейөкмөт уюмдар тууралуу мыйзам долбоору үчүнчү окуудан өттүДайынсыз болуп жаткан өспүрүмдүн жакындары элден жардам сурады Талипованын өлүмүнө катыштыгы бар делген жаран үй камагына бошотулду Алдамчылыкка шектелип кармалган ишкер Балян үй камагына чыктыЖогорку Кеңеш: кадр дайындоого байланыштуу талаш-талкуу чыктыЖалал-Абадда “Кыргыз жараны” концепциясы боюнча жыйындар өтүүдө