Кыргызстандык спортчу, күрөш боюнча дүйнө чемпиону Айсулуу Тыныбекова Биргелешкен Күрөш Дүйнөсү уюмунун (UWW) рейтингинде биринчи орунга чыкты. Бул тууралуу сөз болуп жаткан уюмдун сайтына жарыяланды.
Балбан кыз мындай ийгиликке 8-13-июнь күндөрү Польшанын борбору Варшавада өткөн “Poland Open” эл аралык мелдешинде алтын медаль уткандан кийин жетти. Айсулуу бул мелдештин финалында канадалык Анна Паула Годинез Гонзалезди 7:1 эсеби менен жеңген.
Айсулуу азыркы тапта дүйнө чемпиону. Ал бул наамга эки жыл мурда Нур-Султан шаарындагы чемпионатта ээ болгон жана Токио жайкы Олимп оюндарына жолдомо алган. Азиянын төрт жолку чемпиону. Ал 62 килограммга чейинки салмакта күрөшөт. (BTo)
Дагы караңыз
УКМК: "Женгонун" кылмыштуу тобунун активдүү мүчөсү кармалдыCOVID-19дан тогуз бейтап каза болду, оору 459 адамга жуктуУКМК парламент депутаты жасалма диплом колдонгонун аныктадыБажычы Нурбек Айтмаматов 10-августка чейин камакта калдыПрезидент жол кырсыктарын алдын алуу иштерин күчөтүүнү тапшырды