Кыргызгидрометеорология агенттиги шашылыш билдирүү таратып, 12-15-июнда республиканын тоолуу жана тоо этектериндеги райондорунда туруксуз аба ырайы күтүлөрүн, сел жүрүшү мүмкүн экенин эскертти.
13-июнда түнкүсүн Чүй, Ысык-Көл, Нарын облустарынын кээ бир райондорунда, Ош, Жалал-Абад облустарынын тоо этектеринде жана тоолуу райондорунда, Талас, Баткен облустарынын тоолуу райондорунда өткүн өтүп, күн күркүрөйт, бийик тоолуу райондордо кар жаайт. Ош, Жалал-Абад, Баткен облустарынын өрөөндөрүндө жана Талас, Баткен облустарынын дыйканчылык аймактарында жаан-чачын жаабайт.
Күндүз Ош, Жалал-Абад, Ысык-Көл, Нарын облустарынын көпчүлүк аймактарында, Чүй, Талас, Баткен облустарынын кээ бир райондорунда жамгыр себелейт, бийик тоолуу райондордо кар жаашы ыктымал. Ош, Жалал-Абад, Нарын облустарынын кээ бир райондорунда жаан-чачын катуу жаашы мүмкүн.
Абанын температурасы:
Нарын облусунда түнкүсүн 6...11, күндүз 16...21,
Ысык-Көл жергесинде түнкүсүн 7...12, күндүз 18...23,
Талас дубанында түнкүсүн 10...15, күндүз 24...29,
Чүй өрөөнүндө түнкүсүн 13...18, күндүз 26...31,
Ош, Баткен, Жалал-Абад облустарында түнкүсүн 16...21, күндүз 28...33,
Бийик тоолордо түнкүсүн -2...-7, күндүз 4...9 градус болот.
13-июнда Бишкек шаарында түнкүсүн да, күндүзү да өткүн өтөт. Абанын табы түнкүсүн 13...15, күндүз 29...31 градусту түзөт. (ErN)
Дагы караңыз
Бизнес-акыйкатчы социалдык төлөмдөр жөнүндө депутаттар сунуштаган мыйзамды айыптадыТүркия Кыргызстанга аскердик-техникалык жардам бере турган болдуБеларуста камакта жаткан активисттин ата-энеси Меркелден жардам сураштыКыргыз-түрк ишкерлери Кыргызстанда өнөр жай аймагын курууну макулдашты