31-майда, кыргыз-тажик чек арасында Кыргызстандын Баткен облусунун жана Тажикстандын Согд облусунун башчылары жолукту.
Өкмөттүн Баткендеги ыйгарым укуктуу өкүлү Абдикарим Алимбаев менен Согди облусунун аткаруу бийлигинин төрагасы Раджоббой Ахмадзода чек арадагы соңку куралдуу жаңжалдын кесепетин жоюу, эл ичиндеги кооптонууну азайтуу жана түшүндүрүү иштерин күчөтүү зарылдыгын белгилешти.
Жолугушууда тараптар буга чейин аткарылбай келген 2019-жылдын 18-сентябрындагы эки тараптуу протоколду колдонууну макулдашты. Ал документте Кыргызстандын Максат, Тажикстандын Овчу-Калача айылдарынын ортосунда милициянын биргелешкен жөө күзөтүн коюу тууралуу жазылган.
Бул сүйлөшүүдөн кийин эки тараптан тең мындай күзөт коюлду.
Облус башчылары кыргыз-тажик чек арасындагы бир катар маселелерди жеринде чечүү үчүн аймакты чогуу кыдырды.
Баткендеги кыргыз-тажик чек арасындагы соңку куралдуу кагылышта 36 кыргызстандык курман болгон. Тажикстан 19 жараны мерт болгонун билдирген. Эки өлкө бирин бири айыптап, кылмыш иштерин козгошкон.
21-майда Кыргызстан чек ара маселеси чечилмейинче деген жүйө менен кыргыз-тажик чек арасын убактылуу толук жапкан. (МТа)
Дагы караңыз
Аэропорттогу тажик жарандары мекенине кайтарылды«Ачык Орусиянын» мурдагы жетекчиси аэропортто кармалдыЧек арадагы окуяларда жараат алгандар дарыланууну улантууда Барскоон: Кумтөрдөн кут тапкан айыл