Коопсуз шаар долбоорунун биринчи этабын ишке ашырган “Вега” компаниясынын ишин иликтөө үчүн депутаттык комиссия түзүлдү.
Мындай чечим 27-майда Жогорку Кеңештин жыйынында кабыл алынды. Маалыматка ылайык, депутаттар коопсуз шаар долбоору үчүн жарыяланган тендердин мыйзамдуулугунан баштап “Вега” компаниясынын аткарган ишин жана анын сапатын текшерип чыгат.
Комиссиянын курамына депутаттар Сайдолимжон Жураев, Рыскелди Момбеков, Марлен Маматалиев, Айгерим Бейшенбаева, Бейшеналы Нурдинов, Улукбек Садиков, Мейкинбек Абдалиев, Осмон Турдумамбетов, Айбек Осмонов, Мамасадык Бакиров, Шайлообек Атазов жана Шералы Абдылдаев кирди.
Өз максаттарына жол кырсыктарын азайтууну камтыган «Коопсуз шаар» долбоорунун биринчи этабын ишке ашырган орусиялык “Вега” компаниясы 35 миллион долларга 110 көзөмөл камера-комплексин орноткон. Кийинчерээк бул камералардын саны көбөйгөн.
2019-жылдан 2021-жылдын март айына чейин "Коопсуз шаар" долбоорунун алкагында 2 миллиондон ашык жол эрежесин бузуу фактысы катталып, айдоочулардан жалпысынан 1 млрд. 575 млн. сомдон ашык каражат мамлекеттик бюджетке түшкөн. (MiK)
Дагы караңыз
Муфтий шайлоого байланыштуу курултай 26-июнга жылдыЗидан "Реал" клубунан кеттиОрусиядан Ошко учуп келген тажик жараны аэропортто кармалып туратСадыр Жапаров Баткенде убактылуу жайда баш калкалаган эл менен жолукту “Элит Хаус” компаниясынын ээси Тимур Файзиевге сыртынан айып тагылдыЖогорку Кеңештин экс-депутаты Алишер Мамасалиев каза болду"Чиеш тагдырлар II" китеби жарык көрдү