Президент Садыр Жапаров Орусиянын мамлекет башчысы Владимир Путин менен аконит (уу коргошун) маселесин расмий сүйлөшүүлөрдүн алкагында талкуулаган эмес. Бул тууралуу "Азаттык" радиосуна президенттин басма сөз катчысы Эрбол Султанбаев билдирди.
26-майда саламаттык сактоо жана социалдык өнүктүрүү министри Алымкадыр Бейшеналиев "Биринчи радионун" түз эфиринде сүйлөп жатып Садыр Жапаров Орусияда Владимир Путин менен уу коргошун тууралуу сүйлөшкөнүн айткан.
16-апрелде Алымкадыр Бейшеналиев брифинг өткөрүп, коронавируска каршы дарылоодо уу коргошун деп аталган чөптүн тамырын колдонуп жатканын билдирген.
Министр тундурманы президент Садыр Жапаров экөө даярдап, дарыгерлерди чакырып, аларга дарылоону үйрөтүп жатканын кошумчалаган.
20-апрелде уу коргошунга ууланган төрт бейтап ооруканага оор абалда жеткирилген.
Дүйнөлүк саламаттык сактоо уюму жана бир катар адистер коронавируска каршы дарылоодо уу коргошундун (аконит) пайдасы далилденбегенин эскертишкен.
Президент Садыр Жапаров Орусияда 24-25-май күндөрү болду.
Дагы караңыз
Жыпар Жекшеевдин "Атуулдук ар-намыс ойгонгондо" аттуу китеби жарык көрдүБекешев: Президенттик администрациянын чыгымы азайган жок АКШ Газаны калыбына келтирүүгө жардам беретРоухани: Шайлоого көбүрөөк талапкер катышууга тийишЧек арада ок жеген Чыңгыз Түркияда операция болдуБейшеналиев: Садыр Жапаров Путинге уу коргошун жөнүндө айтты