Акыркы бир сутка ичинде Кыргызстанда COVID-19 илдетинен дагы жети бейтап жумду. Алардын үчөө Бишкекте, үчөө Ысык-Көлдө, бир киши Ошто.
5-майга карата 397 адамдан оору жаңы аныкталды. Мурда ооругандардан 248 киши айыкты.
Ушуну менен өлкөдө коронавирус пандемиясы башталган 2020-жылдын март айынан бери андан каза болгондор 1637ге жетти. Илдетти жугузуп алгандардын жалпы расмий саны 96 958, айыккандар 90 394 кишини түздү.
Соңку күндөрү COVID-19 илдетинен көз жумгандар көбөйүп, 1-майдан 5-майга чейин эле 30дан ашуун бейтап жашоо менен кош айтышты.
Кыргызстанда Кытайдын "SinoPharm" жана Орусиянын "Спутник V" вакциналары менен эмдөө жүрүп жатат. Расмий эсепте 33 миңден ашуун киши вакцина алды.
Кыргызстанга келген Кытай препараты 75 миң адамга, орус препараты 10 миң адамга жетет. Кошумча вакцина алуу боюнча сүйлөшүүлөр жүрүүдө. Өкмөт эл аралык COVAX прогроммасынын алкагында британ-швециялык "Astra Zeneca" вакцинасы да келерин билдирген.
Дагы караңыз
Абдикарим Алимбаев Баткендин губернатору болуп дайындалды Жапаров мамлекеттик ишканалар менчикке өткөрүлөрүн айттыЛейлек, Баткен, Кадамжайдын акимдери алмаштыПрезидент Садыр Жапаров жаңы Конституцияга кол койдуПрезидент элди коронавируска каршы вакцина алууга чакырды