Францияда полицияда иштеген аялга кол салуунун террордук мотиви бар экенин антитеррордук прокурор Жан-Франсуа Рикар билдирди.
Рамбуйе шаарында полицияда ассистент болуп иштеген жаранды 23-апрелде мууздап кетишкен. Кол салуу полиция бөлүмүнүн айланасында болгон.
Шектүү атып өлтүрүлгөн. Анын аты-жөнү ачык айтылган жок.
Маалымат каражаттары кылмышка Тунистен келип, Францияда көп жылдан бери мыйзамсыз жашаган 36 жаштагы жаран барганын, окуя маалында ал радикал чакырыктарды кыйкырганын жазып чыгышты.
Француз президенти Эммануэль Макрон өз өлкөсү терроризмге каршы күрөшүп жатканын "Твиттердеги" баракчасы аркылуу маалымдады.
Тергөөнүн маалыматына караганда, былтыр күздө Францияда болгон бир катар теракттарды радикал исламчылар ишке ашырган.
Дагы караңыз
"Кемпир-Абад": Ташиев Өзгөндө митингге чыккандар менен жолугатМамакеев элди вакцина алууга чакырдыБаткен: Дайынсыз болуп жаткан жарандар Тажикстандан табылдыАлматыда 200дөй киши жер мыйзамына каршы митингге чыгышты