Лейлек районунун Бешкент айылында изделип жаткан эки жаран Тажикстандан табылып, бошотулду.
Эки тараптуу сүйлөшүүлөрдөн кийин эки жигит менен кошо мурда чек арадан мыйзамсыз өткөн деген негизде коңшу өлкөдө кармалып турган дагы алты кыргызстандык бошотулганын өкмөттүн Баткен облусундагы ыйгарым укуктуу өкүлчүлүгү «Азаттыкка» билдирди.
Маалыматка караганда, эки жигиттин ден соолугу жакшы, азыр алардын эмне себептен кармалганы иликтенип жатат.
Бешкенттик жигиттер 24-апрелге караган түнү чек арага жакын аймакта үй салып жаткан жерден дайынсыз жоголгон.
Алардын биринин энеси окуя болгон жерден тартылган видеону интернетке таратып, элден, бийликтен жардам сураган. Анда жигиттердин бут кийимдери кан болуп, бирөөсүнүн кол телефону төшөгүндө калганын көрүүгө болот. Жакындары коңшу мамлекеттин жарандары жигиттерди курулушту токтотуу үчүн уурдап кетти деп божомолдошууда.
Лейлек районунун бийлиги азырынча кандайдыр бир жыйынтык чыгарууга эрте экенин, окуя иликтенгенден кийин так маалымат берилерин маалымдады.
Тажик тараптан азырынча расмий комментарий боло элек. (JsA)
Дагы караңыз
Алматыда 200дөй киши жер мыйзамына каршы митингге чыгышты Баткен: Чек арага топтолгондор жоголгон кишилерди табууну талап кылууда ИИМ Эндрю Качинсти суракка чакыруу себебин түшүндүрдүУКМК:Чек арадагы окуя боюнча сүйлөшүү жүрүп жататБААУнун президенти Эндрю Качинс ИИМде сурак берип чыктыМамакеев элди вакцина алууга чакырды