"Фейсбук" Садыр Жапаровдун постун өчүрдү | "Бүгүн Азаттыкта" | 19.04.21
Сиздин браузер HTML5 ыкмасын колдобой жатат.
"Фейсбук" президент Садыр Жапаровдун коронавирустан "айыктыруучу дары" боюнча постун өчүргөнүн "Азаттыкка" билдирди. Басма сөз катчы Галина Байтерек болсо постту өздөрү өчүргөнүн айтты. Ошол эле маалда депутаттар саламаттык сактоо министри Бейшеналиевди кызматтан кетирүүнү талап кылышты. Буга министрдин коронавирусту уу коргошун менен дарылоо боюнча билдирүүсү себеп болду. Оштогу “Кемпир-Абад” суу сактагычынын жанындагы жердин Өзбекстанга берилишине нааразы тургундардын акциясы бүгүн да уланды. Орусиянын Жаза аткаруу кызматы оппозиция лидери Алексей Навальный ооруканага которулганын билдирди. Мындан мурда доктурлар Навальныйдын саламаттыгы кескин начарлап кеткенин, жүрөгү “бир заматта” токтоп калышы мүмкүндүгүн эскертишкен.