Нур-Султан жана Алматы коронавирус тез жайылган «кызыл зонага» киргизилди. Бул тууралуу бүгүн Казакстандын СOVID-19 илдетин алдын алуу комиссиясы билдирди.
Алматы шаарынын санитардык эпидемиологиялык департаменти маалымдагандай, вирустун бир адамдан экинчисине жугуу көрсөткүчү өстү. Өткөн суткада инфекцияга жаңыдан чалдыккан 160 киши аныкталды. Буга чейин көрсөткүч 100гө жетчү эмес. Нур-Султанда шейшембиде 143 кишиден коронавирус табылды.
100 миң калкка канча инфекцияланган киши туура келсе, аймактар ошого жараша тигил же бул зонага киргизилет.
9-мартта кошуна өлкөдө коронавирус 693 кишиде тастыкталды, дагы 4 кишиге “ковид өңдүү пневмония” деген диагноз коюлду.
Жонс Хопкинс университетинин маалыматына ылайык дүйнө боюнча коронавируска 117,5 миллион киши чалдыкты. Андан 66,6 миллион киши айыкты, 2,6 млн. бейтап оорудан көз жумду.
Дагы караңыз
Садыр Жапаров: Түркия менен бир катар маанилүү маселелер чечилдиДепутат Алтыбаева: "Достук" чек ара бекетинде пара алуу улануудаБашкы прокуратура блогер Сыдымановго койгон айыбынан баш тартты Кыргызстан жарандарын алып келүү үчүн Сирияга учак жөнөтөтДепутат Акаев: Конституцияны ууруларча кабыл алуу аракети жүрүп жатат (видео)Белгилүү сүрөтчү Нурдамир Коңурбаев дүйнөдөн кайттыЖалал-Абаддагы бир көчөгө Каныбек Ташиевдин ысымын ыйгаруу сунушталды Райымбек Матраимовдун жүрөгүнө операция жасалат