Аламүдүн районуна караштуу Ленин айыл өкмөтүндөгү айдоо аянттарын басып алуу аракети боюнча кылмыш иши козголду.
Чүй облустук милициясы жарандарды жер ээлеп алууга чакырган адам кармалганын билдирди.
Маалыматка караганда, Жалал-Абад облусунун 28 жаштагы тургуну азыр милициянын убактылуу кармоочу жайында. Бул ишке катышы бар башка адамдар аныкталууда.
1-2-мартта Ленин айыл өкмөтүнө караштуу Мыкан кыштагына чогулган топ турак жайга жер берүүнү талап кылган, анда айдоо жерлерин басып алуу аракети болгону да айтылган.
4-мартта жергиликтүү бир нече жашоочу жер басып алуу аракетин токтотууну талап кылып өкмөт үйүнүн алдында акцияга чыгышкан. (NT)