«Бишкекасфальтсервис» ишканасы өткөн жумада шаардын ички жолундагы отуз кудуктун темир капкагын кайра ордуна коюп чыкты. Бул тууралуу мэриянын басма сөз кызматы кабарлады.
Бишкек шаарынын бийлиги акыркы учурда кудуктун капкактары көп уурдалып жатканын белгилеп, шаардыктарга кайрылды. Мэрия жолдогу кудуктардын ачык калышы коркунучтуу экенин эскертет.
“Урматтуу шаардыктар, сураныч, капкактарды уурдабагыла, ал коркунучтуу. Эгерде капкактардын уурдалып баратканына күбө болсоңор 102 номуруна чалып милицияга кабарлагыла. Ал эми ачык кудуктар боюнча "Вотсаптагы" 0558 888 358 номуруна жазгыла”, - деп айтылат мэриянын кайрылуусунда.
Кыргызстанда темирдин килограммы 5 сомдон 15 сомго чейин алынат. Ишкерлер темирди Кытайга өткөрүшөт. (TSh)
Дагы караңыз
Кыйноого каршы борбордун жетекчиси Абылгазиев менен Матраимовго жолугуп чыкты"Токтогул" суу сактагычында суунун көлөмү азайдыБШК: Атазовдун мандат алышы соттун чечимине жараша болотПарламент комитети спортчу Тыныбекованын машыктыруучусуна батир берүүнү сунуштадыДепутат Клара Самат Кыргызстандын Орусиядагы элчиси болду