Коронавируска каршы республикалык ыкчам штабдын бүгүнкү, 14-февралдагы маалыматына караганда, кечээтен бери Кыргызстанда бул вирус 34 адамдан аныкталды, каза болгондор катталган жок.
Оору жаңы аныкталгандардын эң көбү Бишкек шаарында - 19 адам.
Өлкөдө оору жуккандардын жалпы саны 85 475 кишиге жетти.
Бир күндө 69 адам айыгып чыкты. Азыр ооруканада 424 адам жатат, дагы 421 бейтап үйдөн дарыланууда.
Коронавирус жуккан медицина кызматкерлеринин жалпы саны 4196 адамга жетти, алардын 4118си айыгып чыкты. Соңку күндө бул оору бир дарыгерден табылды.
Кыргызстанда 2020-жылдын март айынын этегинде башталган эпидемия июль айында курчуп, көп киши каза болгон. Сентябрдын башында каза болгондор катталбай калган. Оорунун экинчи толкуну октябрда башталган. (RK)
Дагы караңыз
Импичмент соту: Трамп бул жолу да акталдыБаш мыйзамдын долбоорундагы талашЖээнбай Түрктүн “Бир жаны”Муфтияттагы жаңжалдын төркүнүCOVID-19: Штаб кырдаалдын начарлоо ыктымалдыгына даярдыкты талкууладыГаздын баасы бир аз жогорулады Навальныйдын штабы: Челябинск шаарындагы кеңсебиз тинтилдиCOVID-19: балдар ооруканасы толду