Бишкектин Биринчи май райондук соту 11-февралдан он экисине түнү экс-муфтий Максатбек Токтомушевдин бөгөт чарасын карап, жашаган жеринен башка аймакка чыкпоо тилкаты менен бошотуу чечимин кабыл алды. Бул тууралуу Токтомушевдин адвокаты Нурбек Сыдыков соттук олтурумдан чыккандан кийин журналисттерге билдирди.
Сиздин браузер HTML5 ыкмасын колдобой жатат.
Максатбек Токтомушев сот залынан бошотулду
Диний ишмерди камакка алуу же албоо маселесин сот үч саатча карады. Жактоочунун айтымында, прокуратура менен тергөө кызматы мурдагы муфтийди үй камагына алуу боюнча өтүнүч келтирген.
Нурбек Сыдыков отурумда Токтомушев өзүнө коюлган айыптарды төгүндөп, аны «чагым» деп атаганын билдирди.
Кыргызстан мусулмандарынын дин башкармалыгынын мурдагы жетекчисин Улуттук коопсуздук боюнча мамлекеттик комитет (УКМК) 10-февралда кечинде кармап, убактылуу кармоочу жайга киргизген. Атайын кызмат муфтияттагы каржылык мыйзам бузууларга, кылмыштарга Максатбек Токтомушевдин да катыштыгы бар экендигине далилдер алынганын билдирүүдө.
УКМК мурдараак муфтияттын жетекчилиги зыяратчылар төккөн 100 миллион сомдон ашык акчаны жеке каржы уюмдарына насыяга берип, ай сайын пайыздык төлөмдөрдү алуу менен жеке максаттарына жумшагандыгы аныкталганын билдирген. Анда дин башкармалыгынын жетекчилиги табылган фактыларды жашырып, тергөө иштерин токтотуу үчүн УКМК кызматкерлерине 100 миң доллар пара сунуштаганы маалымдалган.
Натыйжада 9-февралда Жазык кодексинин 328-беренесинин 3-бөлүгү («Өзгөчө ири өлчөмдө пара берүү») бюнча Кылмыштардын жана жоруктардын бирдиктүү реестрине катталып, тергөө иштери башталган. Ошол эле күнү муфтияттын башкы эсепчиси (Ж.Б.) УКМК кызматкерлерине пара берип жатып кармалган.
Бул окуялардан кийин Максатбек Токтомушев кызматтан өз эрки менен кетүү тууралуу арыз жазган. Анын арызын Кыргызстан мусулмандарынын Аалымдар кеңеши 11-февралдагы кезексиз жыйынында канааттандырган.
Президент Садыр Жапаров Коомдук телерадиоберүү корпорациясындагы 11-февралдагы маегинде бул окуяга байланыштуу билдирүү жасап, зыяратчылар берген «16 миллион доллардын 8 миллионго жакын доллары сомго айлантылып, киреше алуу максатында банктарга пайызга берилгенин» айтты. Ал мунун ичинен 155 миллион сом былтыр август айында партиялардын бирине берилип, шайлоого колдонулуп кеткенин да кошумчалады. (ErN)
Сиздин браузер HTML5 ыкмасын колдобой жатат.
Жапаров: Муфтият зыяратка делген акчаны иштетип келген
Дагы караңыз
Бакыт Нурдинов: Садыр Жапаров шайлоого кетти деген акча муфтияттын эсебине кайтарылганЖапаров: Зыяратчылардын муфтияттагы акчасы "чачырап кеткен"Акыйкатчы мурдагы муфтийди камакка албоону өтүндүАалымдар кеңеши Токтомушевдин муфтийликтен кетүү тууралуу арызын канааттандырдыМуфтийликке талапкерлердин арызы 17-мартка чейин кабыл алынатУКМКнын жанында Максатбек Токтомушевдин тарапкерлеринин акциясы өтүүдө