Европа биримдиги Орусияда үч дипломат "персона нон-грата" деп жарыяланашын айыптады.
Германия эгер Москва өз чечимин кайра карап чыкпаса, буга жооп чарасы колдонуларын эскертти. Немис тышкы иштер министри Хайко Маас Кремлдин кадамы Орусия менен Европанын мамилесине дагы да чоң зыян келтирерин белгиледи.
Франциянын президенти Эммануэль Макрон Навальныйдын ууланышына жана камалышына байланыштуу, ошондой эле Европа дипломаттарын Орусиядан чыгарылышынан улам Москвага каршы дагы да күчтүү санкцияларды колдонуу зарылдыгын билдирди.
5-февралда Орусия Европа Биримдигине кирген Швециянын, Польшанын жана Германиянын үч дипломатын "персона нон-грата" деп жарыялаган. Тышкы иштер министрлиги алар өлкөдөн чыгарыларын маалымдаган.
Расмий кабарга ылайык, Швеция менен Польшанын Санкт-Петербургдагы башкы консулдугунун кызматкерлери жана Германиянын Москвадагы элчилигинин кызматкери 23-январда оппозиционер Навальныйды колдогон акцияларга катышкан. Орус бийлиги Навальныйдын тарапкерлеринин нааразылык жүрүштөрүн "мыйзамсыз" деп мүнөздөйт.
Дагы караңыз
Нарында жергиликтүү тургунду көчөдө атып кетишти АКШнын Мамлекеттик катчысы КЭРдин тышкы иштер министрине адам укуктары, демократия жаатында талабын айттыЖерүйдөгү экологиялык коопсуздук боюнча мамлекеттик комиссия түзүлөтЧехия “Sputnik V” вакцинасын жактыруу боюнча венгр тажрыйбасына кызыгуудаПрезидент Жапаров өкмөттү бир беткей сындагандарга жооп кайтардыБайден: “экс-президент Трамп чалгын кызматынын маалыматын албоого тийиш”