Башкы прокуратура мурдагы президент Сооронбай Жээнбековду 2020-жылдын октябрындагы балашамандык үчүн жоопко тартуу боюнча арызды УКМК жана ИИМге жиберди.
Бул тууралуу 2-февралда «Азаттык» радиосуна Башкы көзөмөл органынын басма сөз катчысы Наргиза Куватова билдирди:
«Түшкөн арыз УКМКга жана ИИМге жиберилди. Анткени ал жерде жазык иштери бар. Ошол иштердин алкагында каралып, укуктук баа берүү үчүн ушул органдарга жөнөтүлдү».
Маалыматка караганда, октябрь окуяларында жабыркагандар түзгөн «Кыргыз үмүтү» коомдук бирикменин өкүлдөрү «аянтка чыккан элди кууп-таратуу боюнча күч органдарына тапшырма берген» деген негизде Жээнбековду жазага тартып, экс-президент деген макамынан ажыратууну талап кылууда.
УКМК жана ИИМ арыз боюнча маалымат бере элек.
«Кыргыз үмүтү» коомдук бирикмеси Юстиция министрлигинин каттоосунан былтыр 1-декабрда өткөн. Аны Саламат Алмазбек уулу жетектейт.
Бишкекте 2020-жылдын 5-6-октябрындагы башаламандык маалында 19 жаштагы Үмүтбек Алтынбек уулу көз жумган.
1 221 адам жабыркап, жүздөй киши ооруканага түшкөн. Ондогон адамдардын көзү, башка органдары катуу жабыркаган.
2017-жылдан бери президент болуп келаткан Сооронбай Жээнбеков 16-октябрда кызматын өз каалоосу менен өткөрүп берип, өлкөдө бийлик алмашкан. (NT)
Дагы караңыз
Тартип комиссиясы Жогорку соттун төрайымы боюнча жыйынга качан чогулары белгисизНавальныйдын тарапташтарына бөгөт коюш үчүн Москванын полициясы көчөлөрдү жабатУлуттук банк 45,7 миллион доллар сатты Кыйноого кабылганын БУУ комитети тааныган кыргыз жараны сотко кайрылат Өзбекстан: Ангрендеги табышмактуу өлүм Коронавирус дагы эки кишинин өмүрүн алды