Бишкекте 28-январда өтчү шайланган президент Садыр Жапаровдун салтанаттуу ант берүү аземине экс-президенттер Роза Отунбаева менен Сооронбай Жээнбеков чакырылды.
Бул тууралуу «Азаттыкка» президенттин басма сөз катчысы Галина Байтерек билдирди:
«Биз экс-президенттердин баарына, анын ичинде Отунбаева менен Жээнбековго чакыруу жибердик. Алмазбек Атамбаев белгилүү себептер менен келе албайт да. Ошондой эле шайланган президент Садыр Жапаров өзү менен чогуу шайлоодо ат салышкан бардык атаандаштарын да инаугурацияга чакырды. Ал өзү бардык саясий күчтөрдү биригүүгө үндөп жатпайбы».
Президенттик шайлоодо жеңишке жеткен Садыр Жапаровдун инаугурациясы 28-январда Бишкектеги Токтогул Сатылганов атындагы улуттук филармонияда өтөт.
Ага байланыштуу 21-январда президенттин милдетин аткарып жаткан спикер Талант Мамытовдун жарлыгы менен инаугурацияны даярдоо жана өткөрүү боюнча уюштуруу тобу түзүлгөн. (BCh)
Дагы караңыз
Бишкек мэринин милдетин аткаруучу УКМКдан жардам сурадыӨлкө боюнча 1,2 миллиондон ашык киши эмделдиУКМК: «Кыргыз темир жолунун» мурунку бөлүм башчысы 11 млн. сом чыгымды төлөдүНоябрда «Орто-Сай» базарын өрттөдү деп шек саналган адам кармалдыБайтерек: Жапаровдун Орусиядагы иш сапарына даярдык жүрүп жататПрезиденттин басма сөз катчысы инаугурация күнү артиллерия колдонуу маселеси боюнча маалымат бердиСадыр Жапаров: саясий процесстер май-июнь айларында бүтөт