Билим берүү жана илим министрлигине караштуу Билим берүүнү башкаруунун (ББМС) маалыматтык системасына 60 миңден ашуун cтудент жана коллеж кызматкери тууралуу маалыматтар жайгаштырылды. Бул тууралуу аталган министрликтин басма сөз кызматы кабарлады.
Анда: «Билим берүүнү башкаруунун маалыматтык системасынын максаты - маалыматты топтоо, сактоо, иштеп чыгуу, талдоо жана жайылтуу. ББМС сапаттуу билим берүүгө жана окуу жайлардын ишмердүүлүгүнө тиешелүү деңгээлде көзөмөл жүргүзүүгө, мамлекеттик бюджеттин чыгымдарын натыйжалуу пландоого, билим берүүнү андан ары өнүктүрүш үчүн негиздүү чечимдерди кабыл алууга жана багыттарды корректировкалоого мүмкүндүк берет», деп жазылган.
Ошондой эле бирдиктүү системанын өзөгүн окуучулар, окутуучулук курам жана алардын жетишкендиктери, билим берүү мекемелеринин материалдык-техникалык базалары жөнүндө маалыматтар түзөт.
Азыркы учурда аталган системага орто кесиптик окуу жайларынын 52 778 окуучусу жана 7 373 кызматкери тууралуу маалыматтар жайгаштырылган. Ошондой эле долбоордун алкагында Билим берүү жана илим министрлигинин ачык маалыматтар порталы да түзүлгөн.
Октябрь окуяларынан кийин Кыргызстанда бийлик алмашып, өкмөт курамы да дээрлик толугу менен өзгөргөн. Билим берүү жана илим министри болуп Алмаз Бейшеналиев дайындалган. Жаңы министр тармакты санариптештирүү зарыл экенин белгилеген. (ZKo)
Дагы караңыз
«Кыргыз көмүр»: Кара-Кеченин көмүрүнүн ышка тиешеси жокТрамп тарапташтарына кайрылуусу «орундуу эле болгон» деген пикирдеСадыр Жапаровдун шайлоо штабы Кытай лидери куттуктоо жибергенин билдирдиДССУ: Дүйнө коронавирусту жеңе элекСапатсыз бензин абаны булгайтКоронавирус дагы 92 кишиден табылды, бир бейтап көз жумдуМурдагы президент Алмазбек Атамбаевге карата козголгон иштер боюнча сот уланатСегизбаевдин штабында иштеген журналист УКМКга сурак берип чыктыТрамп өзүнө карата импичмент жарыялоо камылгаларына удаалаш элди сабырдуулукка чакырды