Кытай Эл Республикасындагы миллиардерлердин бири, Интернетте соода-сатык жүргүзгөн «Alibaba» компаниясынын негиздөөчүлөрүнүн бири Жэк Ма эки айдан бери дайынсыз жок болууда. Ал арада расмий Бээжин анын Интернет аркылуу өзгөчө ири көлөмдө соода-сатык уюштуруп келген «Alibaba Group» компаниясын кысмакка алышын улантып жатат.
Жэк Ма (Ма Юн, 1964-жылы туулган) 2018-жылдын ноябрында «Форбс» журналы тарабынан 35,8 млрд доллардын наркы бар байлыктын ээси болгон ишкер катары жарыяланган. Ал дүйнөдөгү эң бай 18-киши болуп калган.
Дагы караңыз «Алибаба» ишенимдүү колго өтөтЭми 2020-жылдын октябрынын акырынан тартып Жэк Ма коомчулук алдында эч чыкпагандыгы тынчсызданууну туудурууда. Акыркы жолу ал Шанхайдагы ири экономикалык жыйынга катышып, анда Кытайдын базар мамилелерин жөндөөчү мекемесин курч сындап сөз сүйлөгөн. Мындан соң бийлик «Alibaba» компаниясынын электрондук төлөмдөрдү уюштурган каржылык бутагы болгон «Ant Group» компаниясынын ишмердигине бөгөт коё баштаган.
Дагы караңыз Кытай лидеринин кыргызча китеби жөнүндөКытай Компартиясынын жетекчилиги өз ишмердигине карата ар кандай сынга сабырсыз мамиле жасап келет.
Ал эми Жэк Ма мырзанын 2020-жылдын октябрындагы сынынан соң Кытайдагы ишкердикке көзөмөлдөөчүлөр «Alibaba» компаниясына жана анын кол астындагы «Ant Group» каржылык компаниясына каршы антимонополиялык жактан тергөө ишин баштаган. (TT)