"Бишкектеги феминисттик демилгелер" коомдук уюму бүгүн, 12-декабрда гендердик теңсиздик, үй-бүлөлүк зомбулукка каршы "Жетишет" деп аталган жөө жүрүшкө чыкты.
Колдоруна "Зордук-зомбулукка көз жумууну токтот!", "Зомбулукту жоюуга салымыңды кош" деген чакырыктар жазылган плакаттарды кармаган активисттер темир жол бекетинен Курманжан датканын Эркиндик бульварындагы эстелигине чейин басып барышты. Эстеликтин жанында бир сааттай митинг болду. Иш-чарага катышкандардын басымдуу бөлүгү - кыз-келиндер. Алар хор менен:
"Аял болсоң күнөөлүү,
Өкүмүңдү билсең да,
Адилеттүү сот жок!" деп ырдашты.
Иш-чара адам укугун коргоого багытталган 16 күндүк акциянын алкагында, аялдарга карата адилетсиз сот чечимдерине коомчулуктун көңүлүн буруу максатында өткөрүлдү.
Ош шаардык соту күйөөсүнөн коргонуу үчүн кол көтөрүп, өлтүрүп алган келинди 9 жылга эркинен ажыратып, 90 миң сом айып пул салган. Ушул эле сот күйөөсүнүн зомбулугуна чыдабай, төрт айлык баласы менен 4-кабаттан боюн таштаган келинди 11 жылга кескен. Укук коргоочулар соттун чечими гендердик теңсиздик, аялдарды кемсинтүү менен чыгарылды деп сындашкан.
Ушу тапта аялдар абагында жазасын өтөп жаткан 350 аялдын жүздөйү "Киши өлтүрүү" беренеси менен соттолгон. Бул жалпы соттолгондордун 25% түзөт. Алардын жарымынан көбү арасында күйөөсүн же зомбулук көрсөткөн башка адамды өлтүрүп алган.
2020-жылдын башынан бери Кыргызстанда бир нече аял үй-бүлөлүк зомбулуктан каза тапкан.
17-июнда Бишкектин Ден Сяопин көчөсүндө белгисиз адам кызганычтан улам чогуу жашаган аялды барымтага алып, бычак менен эч кимди жолоткон эмес. Милиция анын колунан бычакты ыргыта чаап, куралсыздандырып аялды куткарып калган. Мындан кийин жараат алган аял ооруканага жаткырылган. 19-июнда аял Бишкек шаардык травматология жана ортопедия илим изилдөө борборунда каза тапкан.
1-январда Кочкордо 37 жаштагы келин, 3-январда Баткенде 26 жаштагы келин күйөөсүнүн ур-токмогунан көз жумган.(ZKo)
Дагы караңыз
Минскиде "Настоящее время" телеканалынын кабарчысы кармалды Гүлжамал экинчи аял болуудан баш тартты...Рамзан Кадыровдун 20 жаштагы кызы жетекчилик кызматка дайындалды COVID-19: Соңку суткада каза болгондор катталган жок АКШда COVID-19га каршы алгачкы вакцинага уруксат берилдиПрезиденттик шайлоону уюштурууга мониторинг башталдыКыргызстанда Улуттук адабият күнү белгиленип жататМамлекеттик түзүлүш боюнча референдум тууралуу мыйзамга кол коюлдуАКШ Конгресси Трамптын вето коюу тууралуу коркутуусуна карабастан коргоо жаатындагы мыйзам долбоорун жактырды