Бүгүн, 9-октябрда Ала-Тоо аянтындагы башаламандык фактылары Кылмыштардын жана жоруктардын бирдиктүү реестрине катталды.
Бишкек шаардык ички иштер башкармалыгынын маалыматына караганда, аянттагы таш менен уруу, курал колдонуу фактылары “Массалык башаламандык” беренеси боюнча бирдиктүү реестрге катталды. Атайын экспертиза дайындалды.
Мурдараак Бишкектеги Улуттук госпиталга денесинен түрдүү жараат алган беш киши жаткырылганы кабарланган. Алардын бири – саясий активист Тилек Токтогазиев.
Бүгүн, 9-октябрда Бишкектин Ала-Тоо аянтында мурдагы президент Алмазбек Атамбаев менен мурдагы премьер-министр Өмүрбек Бабановдун тарапкерлеринин жана жаш активисттердин митинги үзгүлтүккө учураган. Аларга Садыр Жапаровдун тарапкерлери таш, бөтөлкө ыргыткан.
Курал колдонулуп, ок атылган. Социалдык тармактарда жарыяланган видеолордо белгисиз адамдар машинелердин бирин атып жатканын көрүүгө болот.
Ок атылганын жеринде жүргөн «Азаттыктын» кабарчылары да ырасташты.
Кийинчерээк социалдык тармактарда Кыргызстандын мурдагы президенти Алмазбек Атамбаевдин, Сапар Исаковдун, Өмүрбек Бабановдун автоунаалары аткыланганы тууралуу маалыматтар тараган.
Ал эми Садыр Жапаровдун тарапташтары бул аларды каралоо үчүн жасалган чагым экенин билдирүүдө. (ZKo)
Дагы караңыз
Эркебаев: Абалды жөнгө салбаса, кризис тереңдейтАла-Тоо аянтында ок чыгарган адамга издөө жарыяландыАла-Тоо аянтындагы башаламандыкта жараат алгандар барМосквада азери-армян дипломаттары жолугушуудаМэрия: Башаламандык учурунда Бишкек шаары 17 млн. сом зыян тарттыОрусияда COVID-19 чалдыккандардын саны эң жогорку чекке жеттиОш шаардык кеңеши мэр Сарыбашовго ишеним көрсөтпөө токтомун жокко чыгарды Бишкекте өзгөчө абал режими 10-октябрдан тарта кирет Робин Орд-Смит: Кыргызстандагы талоончулуктун кесепети узак болот