Беларустагы президенттик шайлоонун сүртүмдөрү
Көпчүлүк эксперттер жана байкоочулар Беларуста шайлоо буга чейин болуп көрбөгөндөй активдүү өтүп жатканын белгилешүүдө. Латвия, Литва, Орусия, Украина өлкөлөрүндө беларус жарандары үчүн ачылган шайлоо бекеттеринде добуш берүү үчүн келгендердин узун кезеги пайда болду.
Беларустун Борбордук шайлоо комиссия азыркы президент Александр Лукашенко баштаган беш адамды - Светлана Тихановскаяны, Андрей Дмитриевди, Анна Канопацкаяны, Сергей Череченди каттаган.
Шайлоо бекеттери саат 9да ачылганда эле узун кезек пайда болду.
Бул жолу беларус эли шайлоого жигердүү катышууда. Добуш берүүгө үй-бүлөсү менен келгендер абдан көп.
Шайлоо пандемия шартында өтүүдө.
Москва, Киев шаарларындагы Беларус элчилигинин алдында добуш берүү үчүн кезек күткөндөр мүнөт сайын көбөйүүдө.
Президенттикке талапкерлердин бири Светлана Тихоновская.
Добуш берүү үчүн келген адам.
Эгерде кечинде өтө көп добуш берүүчү келсе, шайлоо бекеттеринде өткөрмө режими киргизилиши мүмкүн. Бул тууралуу Беларустун Борбордук шайлоо комиссиясынын башчысы Лидия Ермошина билдирди.
Беларустун учурдагы президенти Александр Лукашенко шайлоодо добуш бергенден кийин журналисттер менен маектешти. «Мыйзамды бузуп эч ким эч кандай репрессия кылган жок жана кылбайт. Мыйзамды сактагыла. Мыйзам, бир гана мыйзам!» деп айтканын БелТА агенттиги жазды.
Москва, Киев шаарларындагы Беларус элчилигинин алдында добуш берүү үчүн кезек күткөндөр мүнөт сайын көбөйүүдө.
Александр Лукашенко добуш берүүдө.
Беларус убактысы боюнча саат 9:00дө (Бишкек убактысы боюнча түшкү 12:00) шайлоо бекеттери ачылып, добуш берүүчүлөр келе баштады.
Буга чейин Борбордук шайлоо комиссиясы төрт күндүк алдын ала шайлоого шайлоочулардын 32,24% пайызы катышканын жарыялады.