Күрөш боюнча дүйнө чемпионатында кыргыз балбаны Тынар Шаршенбеков грек-рим күрөшүнөн 63 килограммга чейинки салмакта коло байге үчүн болгон беттеште казакстандык балбан Алмат Кебиспаевге 9:0 эсебинде утулду.
Дүйнөлүк күрөш чемпионаты: кармаш, ыза, сүйүнүч
Балбан Тынар Шаршенбеков (кызыл кийимчен) коло байге үчүн күрөшүп жаткан учур. Мында ал казакстандык балбан Алмат Кебиспаевге 9:0 эсебинде утулду.
Балбан Тынар Шаршенбеков коло байге үчүн күрөшкө чыгып жактан учуру.
Шаршенбеков бул дүйнө чемпионатында таймаштарын 14-сентябрда баштаган. Биринчи беттешинде болгариялык Румен Савчевди 8:1 эсебинде утуп, чейрек финалда жапон балбаны Шиноби Отага жеңилди. Ота финалга чыккандыктан Шаршенбеков көңүл жубатуучу беттеште күчүн сыноого мүмкүнчүлүк алган.
Шаршенбеков көңүл жубатуучу беттеште күрөшүп жаткан учуру. Мында Шаршенбеков Беларустан келген балбан Максим Ниходаны 6:4 эсебинде жеңди.
Мелдеш өтүп жаткан «Барыс» аренасынын ички көрүнүшү.
Мелдештин экинчи күнүндө грек-рим күрөшүнөн 55, 63, 72 жана 82 килограммга чейинки салмактарда алтын, күмүш жана коло байгелер үчүн беттештер өттү.
Балбан Акжол Махмудов бул дүйнө чемпионатына көрүүчү катары келген.
15-сентябрда 87 килограммга чейинки салмакта күрөшкөн балбан Атабек Азизбеков алгачкы беттешинде латвиялык Лаймутис Адамайтисти 4:0 эсебинде утуп, бирок кийинки беттешинде Виктор Лоринчеге жеңилди. Атаандашынын финалга чыкканына байланыштуу Атабеков 16-сентябрда көңүл жубатуучу беттеште күрөшөт. Эгер ал беттеште жеңишке жетсе олимпиадалык лицензияга ээ болот.
55 килограммга чейинки салмакта алтын байгени грузиялык балбан Нугази Суртсанян утту. Ал финалда казак балбаны Корлан Жаканша менен күч сынашты.
Казак жана грузин балбандары алтын байге үчүн күрөшүүдө.
Грузиялык балбан Нугзари Суртсума жеңишин майрамдап жатат. Ал 55 килограммга чейинки салмакта дүйнө чемпиону болду.
Германиядан келген күйөрман.
Күрөштүн түрлөрү боюнча дүйнө чемпионаты 22-сентябрда жыйынтыкталат.
55 килограммга чейинки салмакта коло байге үчүн күрөшүп жаткан жапониялык жана кытайлык балбандар Шота Огава менен Лигуо Чау.
Бул беттеште жапон балбаны Шота Огава жеңишке жетти.
63 килограммга чейинки салмакта жапон балбаны Шиноби Ота дүйнө чемпиону атыкты. Ал финалда орусиялык Степан Мариянанды 10:4 эсебинде жеңди.
Дүйнө чемпиону болгон жапон балбаны Шиноби Ота жеңишин майрамдап жаткан учуру.
72 килограммга чейинки салмакта орусиялык Абуазид Мансугов алтын медалдын ээси болду. Күмүш байгени өзбекстандык балбан Арам Вардиян алды.