Москвадагы учак кырсыгы 41 адамдын өмүрүн алды
Сиздин браузер HTML5 ыкмасын колдобой жатат.
Орусиянын Тергөө комитети кырсыкка кабылган "Sukhoi Superjet" учагындагы 41 адам, анын ичинде бир экипаж мүчөсү каза тапканын ырастады. Москвадан Мурманскка жөнөгөн учакта баары 78 адам - беш экипаж мүчөсү жана 73 жүргүнчү бараткан. "Sukhoi Superjet" учагы асманга көтөрүлгөн соң жарым сааттан кийин авариялык абалдан улам кайра конууга аргасыз болгон. Интернетке тараган жана Орусиянын мамлекеттик телеканалы көрсөткөн видео тасмада куйругу жалындап күйүп, коюу кара түтүн чыккан учак аба бекетине келип конуп жатканын көрүүгө болот.