Көкбөрү: Баш байгени "Бакубат Талас" алды
Сиздин браузер HTML5 ыкмасын колдобой жатат.
Көкбөрү боюнча Кыргыз Республикасынын президентинин 2018-жылдагы кубогун Таластын "Бакубат Талас" командасы алды. 30-августта Бишкектеги "Ак-Кула" ат майданында өткөн финалдык таймашта таластык көкбөрүчүлөр Ысык-Көлдүн "Толкун" командасын 1:0 эсебинде жеңди. Бул мелдеште 3-орунду “Сары-Өзөн Рассвет” командасы алды. 3-орун үчүн болгон оюнда Чүйдүн улакчылары “Бакай-Ата Шыралжын” командасын 4:0 эсебинде жеңди.
Президенттин кубогуна арналган көкбөрү боюнча республикалык мелдеш 24-августта башталган. Ага 12 команда катышты.