Роза Отунбаева "Тилекмат аке" сыйлыгын алды
Сиздин браузер HTML5 ыкмасын колдобой жатат.
“Кыргызстандын дипломаттары” коомдук бирикмеси бейшембиде Кыргызстандын мурдагы президенти Роза Отунбаеваны “Тилекмат Аке” аттуу төш белгиси менен сыйлады. Мындай сыйлык менен Түркиянын Кыргызстандагы элчиси Метин Кылыч да сыйланды. Алар Кыргызстандын Тышкы иштер министрлигинин калыптанышына жана өлкөнүн эл аралык кадыр-баркын бекемдөөгө кошкон жеке салымдары үчүн татыктуу болушту. “Кыргызстандын дипломаттары” коомдук бирикмеси “Тилекмат Аке” сыйлыгын 2014-жылы уюштурган. Андан бери бул төш белги менен дипломаттар Муратбек Иманалиев, Мурат Саралинов сыйланышкан.