Адвокат: Текебаев сотто күнөөсүз экенин айтты
Сиздин браузер HTML5 ыкмасын колдобой жатат.
"Ата Мекен" партиясынын лидери Өмүрбек Текебаев менен анын орун басары Дүйшөнкул Чотонов 25-апрелге чейин УКМКнын тергөө абагында болушат. Бүгүн эки саясатчынын баш коргоо чарасын караган Бишкек шаар соту Биринчи май райондук сотунун аларды эки айга камоо тууралуу 27-февралда чыгарган чечимин күчүндө калтырды. Бул тууралуу Текебаевдин адвокаты Чынара Жакупбекова "Азаттык" үналгысына билдирди. Адвокат шаардык соттун чечимин мыйзамсыз деп атап, 10-мартта апелляциялык арыз менен Жогорку Сотко кайрылышарын кабарлады.