Ошто ак халатчандар аянтта бийлешти

Иш-чарага облустар аралык, Ош шаардык ооруканалардын, кургак учукка каршы күрөш борборунун жана шаардагы үй-бүлөлүк дарыгерлер топторунун 200дөй кызматкери катышты.

Бүгүнкү күндө Кыргызстандын саламаттыкты сактоо тармагында 80 миңден ашуун адам иштейт. 700гө жакын үй-бүлөлүк дарыгерлер тобу менен катар көптөгөн фельдшердик-акушердик пункттар бар.

Кыргызстанда июль айынын алгачкы жекшембисинде медицина кызматкерлеринин күнү белгиленет.