Грек-рим күрөшүнүн чемпиондору аныкталды

15-февралда мелдештин биринчи күнүндө төрт категория боюнча чемпиондор аныкталды. Токсон күрөшчүнүн ичинен 59 кг салмакта Арсен Эралиев, 71 кг салмакта Аскар Бегалиев, 80 кг салмакта Самат Чоноралиев, 98 кг боюнча Бексултан Махмудов алтын медал тагынышты.

Чемпионаттын жыйынтыгы менен эл аралык турнирлерге катышуу үчүн улуттук кураманын мүчөлөрү аныкталмакчы.

Улуттук курама апрель айында Катарда өтө турган Азия чемпионатына даярдык көрө баштайт.

Күрөш боюнча дүйнө чемпиондугу сентябрда Лас-Вегаста болот.

Анда 2016-жылы Бразилияда өтө турган Олимпиада оюндарына жолдомо ойнотулат.

98 кг салмактын байге ээлери. Солдон оңго: Үзүр Жусупбеков (күмүш), Бексултан Махмудов (алтын), Тынчтык Токторбаев (коло), Виталий Стоцкий (коло).