Кыргыз-тажик чек арачылары футболдо кезикти

Быйыл жыл башындагы кыргыз-тажик чек арачыларынын Баткендеги жаңжалынан бери эки өлкөнүн мекен сакчылары биринчи жолу спорттук мелдеште жолугушту. Кыргызстандын Баткендеги чек арачылары менен Тажикстандын Исфара районунун чек арачылары эки тараптуу мамилени чыңдоо, бири-бирине болгон көз карашты жакшыртуу демилгеси менен аталган иш-чараны уюштурушкан. Спорттук мелдеште Тажикстандан келген чек арачылар кыргыз кесиптештерин утуп, баалуу белектер жана кубок менен сыйланды.