Сталиндин жергеталчы уулу
Сиздин браузер HTML5 ыкмасын колдобой жатат.
Бул кишинин атасы Раимкул Жерге-Талда Кытай менен соода кылган баргер турмушта жашаган, молдолугу бар адам болгон. Энеси Оролмо Баткендин Көк-Суусунан эле. Сталиндик репрессиялар башталып, сабаттуу, анча-мынча оокаттууларды бир четинен НКВД кармап кетип жаткан шойкомдуу заманда ал эки кызын, боюнда бар аялын таштап, атын минген бойдон кетип, кайтып келген эмес. Энесинин боюнда калган баласы Махмаражап 80ге чыкканда гана атасы ооган Памирине кетип, 1960-жылдары көзү өткөнүн билди. Жергеталдык Махмаражап Раимкул уулуна анын айлында Жаңыл Жусупжан барып жолукту.