Шахида Аманбаева абактан бошотулду
Сиздин браузер HTML5 ыкмасын колдобой жатат.
2010-жылы Токмок шаарында адам өлтүрүү фактысын жаап-жашырган деген айып менен кармалып, камакка алынган Шахида Аманбаева боштондукка чыкты. Аны Чүй облустук соту тагылган айып боюнча күнөөлү деп таап 4 жылга кести, бирок Шахида тергөө абагында үч жарым жыл отургандыктан жаза мөөнөтү эчак эле аяктаган болуп эсептелет. Ал эми адам өлтүрүүгө катыштыгы бар делген Алишер Жумашев 4 жылга, Урмат Аскеев 9 жылга эркинен ажыратылды. Алардын тергөө абагында отурган 1 күнү 3 күн деп эсептелинип, жаза мөөнөтү кыскарат. Айыпталуучу тарап сот өкүмүнө макул эместигин, жогорку инстанцияга доо арыз менен кайрыларын билдирди.