Баткендеги митинг

Митингге чыккан жергиликтүү тургундар өлкө бийлигинен өкмөттүн облустагы ыйгарым укуктуу өкүлү Жеңиш Разаковду кызматтан кетирүүнү, ордуна мурдагы гебернатор Мамат Айбалаевди алып келүүнү талап кылып жатышат.

Облустук бийликтин имаратын ИИМдин Оштон келген атайын даярдыктагы тобу коргоп жатканын аймактагы кабарчыбыз маалымдады.

Ушул тапта обладминистрацияны жүздөн ашуун милиция кызматкери курчап турат.

Митингге чыккандар өкмөт өкүлүн коргоо үчүн милициянын күчөтүлгөн тартипте иштешине, өткөн жумада чек арада болгон чатакты жайгарууга ушунча күч тартылбаганына нааразы.

 7-8-май күндөрү чек арадагы кыргыз-тажик жарандары ортосунда чыккан чатакта кыргызстандык 17, тажикстандык 8 адам ооруканага түшкөн. Кыргыз айылдарындагы дүкөн жана унаалар өрттөлгөн