Египет: Мурсини колдогондордун митинги
Сиздин браузер HTML5 ыкмасын колдобой жатат.
Каирдеги Аскер академиясынын сыртында 3-июлда бийликтен күч менен кулатылган президент Мурсинин соту болду. Сентябрь айында Египеттин Башкы прокуратурасы экс-президенттин ишин Каирдин кылмыш сотуна өткөрүп берген. Өлкөнүн мамлекеттик маалымат агенттиги кабарлагандай, Мурси баштаган “Мусулман агайындар” кыймылынын 14 мүчөсү “зомбулук кылган жана адамдарды өлтүрүүгө шыкакчы болгон” деген берене боюнча айыпталууда. Мурсиге 7 адам каза болгон 2012-жылдын декабрында “Мусулман агайындардын” тарапкерлери менен демонстранттардын кагылышында иш боюнча күнөө тагылып жатат. Исламчыл маанайдагы «Мусулман агайындар» кыймылынын өкүлү Мухаммед Мурси 2012-жылдын июнь айыда Египетте демократиялуу жол менен бийликке келген эле.