Улуу Памирдеги баш айым
Сиздин браузер HTML5 ыкмасын колдобой жатат.
Аслыхан Эржан жогорку билим албаса да улуу памирлик кыз-келиндерди уюштуруп, түшүндүрүү иштерин жүргүзөт. Түрк өкмөтү айлык төлөбөгөнү менен аны жергиликтүү айымдардын баш өкүлү катары карайт. Советтик доордун алгачкы мезгилиндей, Түркиядагы кыргыздар отурукташкан Улуу Памир айылында бүгүн сабаты ачылбаган аялдар бар. Айылга дарыгер жумасына бир жолу район борбору Эржиштен келип турат. Активисттин айтымында, түрк өкмөтү аялдарга диний билим берген молдо айымдарды жиберет.