Айыпсыз атылгандар акталууга тийиш
Кыргызстандык тарыхчылардын божомолу боюнча репрессия курмандыгы болгон адамдардын саны 40 миңден 100 миңге чейин деп айтылып жүрөт. Саясий куугунтуктан жок кылынгандарды актоо иштери социализм кулагандан кийин күчөп, 1994-жылы «Саясий жана диний ишеними үчүн куугунтукталып, кийин акталган жарандардын укугу жана кепилдиктери жөнүндө» мыйзамы кабыл алынган. Бирок ал мыйзамдын ичинде айрым пункттары бири-бирине каршы келип актоо иштери токтоп калган. Мындан улам бир катар парламентчилердин репрессия курмандыктарын актоо боюнча жаңы мыйзам сунуштап, учурда коомдук талкууга коюлган. Атайын тасмабызда эски мыйзам эмнеге иштебей токтоп калганы, жаңы мыйзам долбоорунун коомдук, саясий, тарыхый мааниси, зарылдыгы жайында баяндалат.