"Уулу абакта экенин апасы дагы эле билбейт". Инанды уурдалган күн
Мындан үч жыл мурда ушул маалда Кыргызстанда "Сапат" билим берүү мекемесинин президенти Орхан Инанды белгисиз жагдайда жоголуп, дайыны табылбай жаткан эле. Анын коопсуздугуна камтама болгондор Бишкекте бир нече акцияларды өткөрүп, маселе парламентте да талкууланган. Бир айдан ашык убакыттан кийин гана анын Түркиянын атайын кызматы уурдап кеткени белгилүү болгон. Мындан кийин президент Жапаров аны Кыргызстанга кайтаруу талабын койгон. Ал убакыттан бери бул талап аткарылган жок. Ошол маалда Башкы прокуратуранын козгогон иши токтотулду, Ички иштер министрлигинин "Адам уурдоо" беренеси менен ачкан ишинин да жыйынтыгы белгисиз. "Азаттык" Инандынын уурдалышынан кийинки үч жылдагы окуяларды тизмектеди.