АКШнын жаңы президенти Дональд Трамптын жана вице-президенти Майк Пенстин кызматка кирүү аземи өттү. Салтанатка кызматын тапшырып жаткан президент Барак Обама жана вице-президент Жо Байден үй-бүлөлөрү менен катышты. Ошондой эле аземге экс-президенттер Жимми Картер, кичүү Жорж Буш, Билл Клинтон жубайы, Трамптын атаандашы Хиллари Клинтон катышты.
Саясий көз караштары мурунку президент Барак Обаманыкынан кескин айырмаланган Трамп бийликке келгенден кийин АКШда жана анын тышкы саясатында кандай өзгөрүүлөрдү күтүүгө болот?
Талкуунун катышуучулары: Аскарбек Мамбеталиев, билим берүү боюнча адис, Даниел Кадырбеков, Жапониядагы Кобе университетинин магистранты.
