Угледар орусиялык соккуга кабылды
Украиналык күчтөрдүн Башкы штабы Угледар багытында орусиялыктар үч жолу чабуул койгонун билдирди. Бул шаарды орусиялык аскерлер өткөн кыштан тарта басып алууга аракет кылып келет.
Акыркы кезде кырдаалга көз салган орусиялык аскер блогерлери орусиялык аскерлер түштүктөгү Павловка жана түндүк-батыштагы Водяное айылдары тараптан жакындап келе жатканы айтылууда.
Шаршемби кечинде Киевде АКШнын мамлекеттик катчысы Энтони Блинкен жана Британиянын тышкы иштер министри Дэвид Лэмми Украинанын президенти Владимир Зеленский, тышкы иштер министри Андрей Сибига баш болгон украин өкүлдөрү менен сүйлөштү.
Мамлекеттик катчы Украинага берилген алыска атыуучу курал-жаракты колдонуу боюнча чектөөлөрүн алып салуу маселеси дагы талкууга алынганын ырастады. Блинкен талкуулардын мазмунун АКШ президенти Жо Байденге жеткире турганын айтты. Мамлекеттик катчы алыска атуучу куралдарды Орусиядагы бутага колдонууга уруксат берүү эскалацияга алып келиши мүмкүн деген кооптонуулар талкууда негизги роль ойноорун белгиледи. ошону менен катар Блинкендин белгилешинче, бул маани бере турган негизги фактор эмес.
The Guardian басылмасы Британ өкмөтүндөгү өз булактарына таянып шаршемби кечинде Лондон Украинага Storm Shadow ракеталарын Орусиядагы буталарга каршы колдонууга уруксат бергенин кабарлады.
Ошол эле маалда Энтони Блинкен уруксат берүү ыктымалдыгын жокко чыгарбасын The Times жазды. Басылма эгер бул маселе чечилбесе, Лэмми менен Билинкендин Киевге сапары ишке ашты деп саноого болбой турганын белгилеген. Бирок ал азырынча коомчулукка жарыяланбайт - бул Британиянын премьер-министри Кейр Стармердин жума күнү Вашингтонго сапары учурунда дагы айтылбашы мүмкүн. Аталган гезит мындан сырткары ракеталык чабуулдарды "себепсиз же керексиз" жасабоо үчүн бир катар чектөөлөр дагы эле сакталып калышы мүмкүн экенин белгилеген.
Сентябрь айында Вашингтондо Байден менен Зеленскийдин жолугушуусу күтүлүп жатат. Буга чейин Зеленский билдиргендей, бул жолугушууда ал "Украинанын жеңиш планы" менен тааныштырат. Шаршембиде украин президенти бул планды ишке ашыруу АКШнын жардамына байланыштуу экенин айткан.
Орусиялык армия кошунасын түрдүү курал менен аткылап, бомбалап келет.
Украинанын куралдуу күчтөрү маалымдагандай, 11-сентябрга караган түнү каршы тарап баллистикалык, зениттик ракеталар, дрондор менен сокку урду.
Москва оорукана, мектеп, бала бакча, энергетика жайлары өңдүү жарандык инфраструктураны, жайкын элди бутага алганын танууда.
Киев жана эл аралык уюмдар андай соккуларды согуш кылмышы катары сыпаттайт.
Орус армиясы Украинанын Сумы облусунун Конотоп шаарына чабуул жасады. Жараат алгандар бар экени айтылууда. Конотоптун айрым аймактары электр жарыгысыз калды.
Бул тууралуу "Украинская правда" гезити Сумынын Суспильне басылмасына жана Конотоп шаарынын мэри Артём Семенихиндин Фейсбуктагы билдирүүсүнө таянып жазды.
Ал бир нече “абадан сокуу” болгонун, шаардын инфрастра түзүмү зыянга учурап, өрт чыкканын жазган. Мэрдин айтымында, орус аскерлери шаардын борборун, турак жай имаратын аткылашкан.
Семенихин шаардык кызматтар жабыркаган үйдүн бардык тургундарын коопсуз жайга чыгарып үлгүрдү деп ишенип жатканын билдирди. Анын айтымында, электр жана суунун резервдик булактары болгон үчүн өрттү өчүрүүгө мүмкүн болду.
11-сентябрда орусиялык аскерлер Курск облусунда контрчабуулга өтүп, украин армиясы буга чейин көзөмөлгө алган бир нече айылды кайтарып алууга жетишкени кабарланган. Бул тууралуу украиналык DeepState талдоо долбоору, аскердик талдоочу Роб Ли жана орусиялык бийликчил блогерлер жазган.
DeepState долбоорунун 11-сентябрдагы маалыматында Курск облусунун бир бөлүгүн көзөмөлдөгөн украин армиясынын батыш флангындагы абалы начарлаганы айтылат.
Украинанын куралдуу күчтөрү Курск облусундагы контрчабуул тууралуу маалыматты азырынча расмий комментарийлеген жок.
Салгылашуулар жүрүп жаткан шартта майдандагы окуялардын өнүгүшүн ыкчам текшерүү дээрлик мүмкүн эмес.
6-августта Украинанын армиясы Орусиянын Курск облусунун аймагында операция баштаган. Киев анын башкы максаты өз өлкөсүн орус чабуулдарынан коргоо үчүн “буфердик зона” түзүү экенин белгилеген.
Орусиялык аскерлер Курск облусунда контрчабуулга өтүп, украин аскерлери буга чейин көзөмөлгө алган бир нече айылды кайтарып алууга жетишти. Бул тууралуу украиналык DeepState талдоо долбоору, аскердик талдоочу Роб Ли жана орусиялык бийликчил блогерлер жазышты.
DeepState долбоорунун 11-сентябрдагы маалыматында Курск облусунун бир бөлүгүн көзөмөлдөгөн украин армиясынын батыш флангындагы абалы начарлаганы айтылат.
Изилдөөчүлөр орусиялык аскерлер “брондолгон техникасын адегенде Сейм дарыясы, кийин майда сайлар аркылуу ташып, активдүү чабуулга өткөнүн” билдиришти.
Андан тышкары украин аскерлери таштап кеткен Коренево тарапта аракеттер байкалды. Снагость айылында кармаштар тутанды.
Согушту колдогон "Два майора" Телеграм-каналы чабуулду десанттык полктун жана деңиз аскерлеринин бригадалары артиллерия жана авиациянын коштоосунда ишке ашырып жатканын жазды.
"Рыбарь" маалымдагандай, орус күчтөрү Обуховка, Анапасовка жана Вишневка кыштактарын кайтарууга жетишти.
Орусиянын Коргоо министрлиги украиналык 10 жоокер туткунга алынганын билдирди.
Украинанын куралдуу күчтөрү Курск облусундагы контрчабуул тууралуу маалыматты азырынча расмий комментарийлеген жок.
Салгылашуулар жүрүп жаткан шартта майдандагы окуялардын өнүгүшүн ыкчам текшерүү дээрлик мүмкүн эмес.
6-августта Украинанын армиясы Орусиянын Курск облусунун аймагында операция баштаган. Киев анын башкы максаты өз өлкөсүн орус чабуулдарынан коргоо үчүн “буфердик зона” түзүү экенин белгилеген.