Токиодо өтүп жаткан Олимпиада оюндарында грек-рим күрөшү боюнча 77 килограмм салмакта кыргызстандык Акжол Махмудов азербайжандык атаандашы Рафиг Хусейновду 9:1 эсеби менен жеңип, жарым финалга чыкты.
Биринчи күрөшүндө тунистик Ламьед Маафини 11:0 эсеби менен уткан.
Кыз-келиндер күрөшүнөн 68 килограмм салмакта катышып жаткан Мээрим Жуманазарова чейрек финалда нигериялык атаандашына 2:3 эсеби менен утулуп калды.
Акжол Махмудов жарым финалда армениялык Карапет Чальян менен күрөшөт.
Токиодо өтүп жаткан Олимпиада оюндарында эркин күрөш боюнча 76 килограмм салмакта катышып жаткан Мээрим Жуманазарова менен грек-рим күрөшүнөн 77 килограмм салмактагы Акжол Махмудов алгачкы атаандаштарын жеңди.
Мээрим Жуманазарова Болгариянын спортчусу Мими Христованы 7-5 эсеби менен, Акжол Махмудов атаандашы Тунис өлкөсүнөн келген балбан Ламьед Маафини 11-0 эсеби менен утту.
97 килограмм салмактагы Үзүр Жусупбеков армениялык, учурдагы олимпиада чемпиону Артур Алексанянга утулуп калды.
Ошондой эле 76 кг. салмакта Айпери Медет кызы коло медал үчүн күрөшөт.
Токиодо Олимпиада оюндары 23-июлда башталган. Ага кыргызстандык 16 спортчу катышууда. Мамлекет Олимп оюндарында алтын медаль уткан спортчуга 10 миллион сом, күмүш медалга 7 миллион сом, коло медалга 5 миллион сом сый акы берерин убада кылган.
Олимпиада оюндары 8-августта жыйынтыкталат.
Токиодо өтүп жаткан Олимпиадада кыз-келиндер күрөшүнөн 76 килограмм салмакта килемге чыкккан Айпери Медет кызы жарым финалда АКШ спортчусу, дүйнөнүн беш жолку чемпиону Аделин Мариа Грейге 3:2 эсеби менен жеңилди.
1-айлампада АКШ өкүлүнүн эсебине эки упай жазылган. 2-айлампада Айпери атаандашын килемдин сыртына түртүп чыгарууга аракеттенди. Бул аракетке калыстар упай бербей, ага нааразы болгон кыргызстандык машыктыруучу видеодон кайталап көрүүнү талап кылып, челленж берди. Челенж да АКШ спортчусунун пайдасына чечилип, ага дагы бир упай берилди. Акыркы мүнөттө Айпери эки упайлык ыкма жасоого жетишип, тилекке каршы эсепти теңөөгө үлгүрбөй, таймашка бөлүнгөн убакыт соңуна чыкты.
Эми 2-августта коло байге үчүн күрөшөт. Атаандашы эртең белгилүү болот.
Жарым финалга чейин Айпери эки беттеш өткөрдү. Алгач казакстандык Элмира Сыздыкованы 6:1 эсеби менен жеңди. Чейрек финалда олимпиада чемпиону, Орусиянын Олимпиада комитетинин атынан катышып жаткан Наталья Воробьеваны 12:0 эсебинде утуп алган.
22 жаштагы Айпери Медет кызы жаштар арасындагы дүйнө чемпиону (2017-ж.). Кыздар (кадеттер) арасында Азия чемпионатынын күмүш (2015-ж.), алтын (2016-ж.), дүйнө чемпионатында күмүш (2016-ж.) байгелерин алган.
23 жашка чейинки кыздар арасында дүйнө чемпионатынын коло медалын тагынган. Дүйнө кубогунда 3-орунду ээлеген (Белград, 2020-ж.).
Токиодо Олимпиада оюндары 23-июлда башталган. Ага кыргызстандык 16 спортчу катышууда. Мамлекет Олимп оюндарында алтын медаль уткан спортчуга 10 миллион сом, күмүш медалга 7 миллион сом, коло медалга 5 миллион сом сый акы берерин убада кылган.
Олимпиада оюндары 8-августта жыйынтыкталат.
Токио-2020: Бекдөөлөттүн ызасы, Ибрахимдин рекорду