Атайын кызматтын төрагасы Камчыбек Ташиев уюшкан кылмыштуу топторго каршы күрөш тууралуу парламентте биринчи жолу маалымат берди. “Женго” каймана аты бар Кадырбек Досонов Оштон Бишкекке которуларын айтты. Оппозициялык саясатчы Адахан Мадумаровдун эки тарапташы соттолгону белгилүү болду. Аларга “Бийликти күч менен басып алууга ачык чакырыктар” беренеси менен айып тагылган. Газа тилкесинде ок атышууну токтотуу 24-ноябрга жылып, аймакта согуш кайра күчөдү. Израил армиясы соңку бир суткада абадан 300дөй сокку урганын билдирди.