Талашка түшкөн өрүк бак
Ысык-Көлдө багбан Абыл Байсымаков жеке менчикке сатып алган жерин акыркы төрт жылдан бери айыл өкмөт талашып жатканын айтып жатат. Ал иштетип келе жаткан 2 гектарга чукул өрүк багын Жети-Өгүз районундагы Жаргылчак айыл өкмөтү кайра артка алуу үчүн сотко кайрылган. Айыл өкмөт ошондой эле Абыл Байсымаковго тиешелүү жерди Мамлекеттик каттоо кызматы өз убагында мыйзамсыз каттаган деген билдирүү жасады. Ал эми Мамлекеттик каттоо кызматы ката айыл өкмөттөн кеткен деп жатат. Ал ортодо багбан ишмердүүлүгүн жүргүзө албай жатканын айтып, нааразычылыгын билдирди.