Лейла Саралаева: Эгемендик алган 30 жыл ичинде мен көп эле адамдардан маек алгам. Алардын баары сөз эркиндиги биздин чоң жетишкендигибиз экенин айтышчу. Азыр биздин сыртыбыздан тон бычып, мыйзам жазып атышат. Келгиле биз мыйзам жазгандарга көз салып чагылдырып турабыз.
Алмаз Исманов: Биз мыйзам жазууга көз салып эле турбай, кошо катышуубуз керек. Биз мониторинг гана кылып турсак, анда биздин ишибизди чектеген мыйзамдар кабыл алынышы мүмкүн. Биз өзүбүздүкүн сунушташыбыз керек.
Юрист: Ачыктык жок болсо биз акырындап Түркмөнстанга айланабыз. "Жалган маалыматтан коргоо" жөнүндө Гүлшат Асылбаеванын мыйзамы кабыл алынган. Кечээ Юстиция министрлигине чалып сурасам, "Биз жумушчубуз мунун баарын жасаганга каражатыбыз жок. Маданият, маалымат жана туризм министрлигине чалгыла" дешти. Азыркы ЖМК тууралуу мыйзамга өзгөртүүлөр кайсы бир таасирдүү адамдар үчүн эле кирип жаткандай. Мыйзамды карап чыгууга эки жума жетишсиз, кеминде жарым жыл керек.